الفرق بين عيال النعمه والدشير

السلام عليكم ورحمة الله وبركته


اليوم جبت لكم الفرق بين عيال النعمه وعيال الدشير



ولدالنعمه قليل الحركه

الولد العادي سريع الحركه كثير الربشه لدى قدميه حاسيه عاليه للطم المواد الزجاجيه

ولد النعمه يقول " ماما "

الثاني يقول "يمه "

ولد النعمه يقول " نعم "

الثاني يقول " هاه "

ولد النعمه يقول " عمو" للي اكبر منه

الثاني يعاير اللي اكبر منه


ولد النعمه ياكل بالشوكه و السكين

الثاني يبدأ تعلم الشوكه و السكين في سن 26

ولد النعمه يلعب في الحديقه

والثاني يلعب في الشارع

ولدالنعمه يلبس نعاله قبل الخروج الى الشارع

الثاني ما يأخذ نعاله معه الا في حالة استخدامه لها كعوارض مرمى في الشارع

ولد النعمه ينام في بيجاما

وهذاك ينام بثوبه

ولدالنعمه ينام في فراشه

والثاني ينام في الصاله

ولد النعمه يأكل على طاوله طعام

وهذاك يأكل على درج البقاله

ولد النعمه يحب يلعب دور الدكتور

والثاني يحب يلعب دور الحرامي في " شرطه و حراميه"

ولد النعمه يقول سلطه

والثاني يقول زلطه

ولد النعمه يلبس بدله رياضيه اثناء لعب الكوره

وهذا يمسك ثوبه بفمه ويلعب

ولد النعمه يجلس مع امه في العرس

وهذا هو الورع الوحيد في العالم الذي يٌطلب من امه عدم اصطحابه رسمياً في بطاقات الدعوه

ولد النعمه اسمه طفل

هذا اسمه بزر

ولد النعمه تفتش جيوبه تلقاها نظيفه

والثاني عند تفتيش جيوبه يعثر على " حصى ...تراب



ولد النعمة في العزيمة ( في المجلس يطالع الجوال )

والثاني تشوفه مبقبق عيونه في الضيوف ويسولف مع خويه

ولد النعمة لما يجي العشاء يناظر أبوه يبي يقوم لأنه متعود على عشاء أحسن دلع

والثاني تشوفه من يوم يجي وعينه على غرفة الطعام ( المقلط )

ولد النعمة ياكل الحلويات اللي على السفرة .

الثاني ما يعرفها


ولد النعمة يستاذن أبوه علشان يطلع أو يطلع معه ويركب سيارته الخاصة ويروح للشلة

والثاني يروح مع أخوياه على رجولهم لأقرب بقالة ولا رصيف

ولد النعمة يلبس تحت الثوب ملابس داخليه

والثاني يلبس تحت الثوب ملابس رياضية

ولد النعمة يغير كل يوم

والثاني يغير في الشهر

ولد النعمة مرتب كتبه الدراسية في شنطة

والثاني كتبه في ( مطاط )

ولد النعمة كل مادة لها دفتر

والثاني كل المواد في دفتر واحد ( مشقق )

ولد النعمة يحبه المدرس

والثاني المدرس يكرهه ودايما يقومه عند ( السبورة )

ولد النعمة معها مصروف ( فسحة ) فلوس كثير وسندويش وعصير سنتب

والثاني يوم معه ويوم ما معه وإذا معه ريال سارقه من أمه

ولد النعمة أبوه اللي يوصله للمدرسة

وهذا مع عيال الحارة في الددسن ولا الهايلكس المهم في الصندوق

ولد النعمة شاطر

والثاني تيس


اخوكم : اولى خامس

يعطيك العافيه ع الموضوع يا بعدي

أولى خامس أنت شكلك ولد نعمه ههههههههههههه

وش درااااك اني ولد نعمه <<<<<<<

عطيك العافيه